ახალგაზრდები საქართველოს პარლამენტსა და უზენაეს სასამართლოში

ასოციაციის პროექტის საგანმანათლებლო კომპონენტის ერთ-ერთი მიზანია ახალგაზრდების გათვითცნობიერება ქვეყნის საკანონმდებლო ცხოვრებაში, ასევე სასამართლო სისტემის ზოგად საფუძვლებსა და საქმიანობის ძირითად მიმართულებებში.

ჩვენი მიზანია საქართველოს სხვადასხვა რეგიონში მცხოვრებმა ახალგაზრდებმა თავად იხილონ
საქართველოს უზენაესი სასამართლო და პარლამენტი და გაეცნონ მათი მუშაობის სპეციფიკას.

უზენაეს სასამართლოში სპეციალურად მომზადებული გიდი მოსწავლეებს მოუთხრობს შენობის ისტორიას, ზოგადად ქართული სამართლის წარსულს და საშუალებას აძლევს გაეცნონ იმას, რაც ადრე სასამართლოების დახურულ კარს მიღმა ხდებოდა. ყველა სტუმარს გადაეცემა ამ პროგრამისთვის სპეციალურად მომზადებული ბროშურა "საქართველოს უზენაესი სასამართლო".